ᲡᲝᲙᲐᲠᲛᲐ ᲗᲑᲘᲚᲘᲡᲨᲘ ᲡᲐᲛᲮᲠᲔᲗ ᲙᲐᲕᲙᲐᲡᲘᲐᲨᲘ ᲞᲘᲠᲕᲔᲚᲘ ᲡᲠᲣᲚᲐᲓ ᲔᲚᲔᲥᲢᲠᲝ ᲓᲐᲛᲢᲔᲜᲘ ᲡᲐᲓᲒᲣᲠᲘ ᲒᲐᲮᲡᲜᲐ

2026 წლის 20 თებერვალს, თბილისში, სოკარმა სამხრეთ კავკასიაში პირველი სრულად ელექტრო დამტენი სადგური გახსნა - პროექტი, რომელიც არა მხოლოდ ინფრასტრუქტურულ სიახლეს, არამედ რეგიონის ენერგეტიკული ტრანსფორმაციის ახალ ეტაპს წარმოადგენს.

სადგური სრულად განკუთვნილია ელექტრომობილებისთვის და აღჭურვილია ოთხი დამტენი ერთეულით, რაც ერთდროულად ექვსი ავტომობილის დამუხტვას უზრუნველყოფს. 120 კვტ სიმძლავრის სწრაფი დამტენები ოთხი ელექტრომობილის სრულ დამუხტვას დაახლოებით 40 წუთში ახორციელებს, ხოლო 22 კვტ დამტენები გათვლილია იმ მომხმარებლებისთვის, რომლებიც სადგურზე მდებარე ნულოვანი პლასტმასის კონცეფციის WAY MART-ის მაღაზიასა და კაფეში დროის გატარებას ამჯობინებენ.

სადგური ნაწილობრივ მზის ენერგიაზე მუშაობს, რაც პროექტს კიდევ უფრო ეკომეგობრულსა და ენერგოეფექტურს ხდის. ამჟამად ელექტრომობილების დამტენები ფუნქციონირებს სოკარის 15 ავტოგასამართ სადგურზე, ხოლო ქსელის გაფართოება ქვეყნის მასშტაბით აქტიურად გრძელდება.

სრულად ელექტრო სადგურის გახსნა სოკარის სტრატეგიული განვითარების მნიშვნელოვანი ნაბიჯია და ადასტურებს კომპანიის პოზიციას, როგორც პროგრესული საერთაშორისო ენერგეტიკული ბრენდისა, რომელიც ხელს უწყობს დაბალანსებული და მდგრადი ენერგეტიკული მომავლის ფორმირებას საქართველოში.